नेपालको पहलमा संयुक्त राष्ट्रसंघ महासभाले अप्रिल १५ लाई अन्तर्राष्ट्रिय आरोग्य दिवस घोषणा गरेको छ। यो नेपालको प्रस्तावमा पारित भएको पहिलो अन्तर्राष्ट्रिय दिवस हो। ४० देशले सहप्रायोजन गरेको प्रस्तावलाई व्यापक समर्थन प्राप्त भएको छ। यसले विश्वमञ्चमा नेपालको भूमिका सुदृढ बनाउँदै आरोग्य, समावेशी स्वास्थ्य प्रणाली र स्वास्थ्य पर्यटन प्रवर्द्धनमा सहयोग पुग्ने अपेक्षा गरिएको छ।
