सुनसरीको देवानगञ्ज–३ कप्तानगञ्जमा भएको घटनाको विरोधमा प्रदर्शनकारीले मंगलबार पनि पूर्वपश्चिम राजमार्गका विभिन्न स्थानमा टायर बालेर सडक अवरुद्ध गरेका छन्। विराटनगरमा समेत सरकारविरुद्ध प्रदर्शन जारी छ। प्रशासनले इटहरीबाट पश्चिमतर्फका सवारी रोकेको छ भने देवानगञ्ज र हरिनगरका विभिन्न क्षेत्रमा कर्फ्यु तथा निषेधाज्ञा यथावत् राख्दै शान्ति–सुरक्षा कायम गर्न सर्वसाधारणलाई संयम अपनाउन आग्रह गरेको छ।
