सरकारले भोटेकोसी बाढीपछि खोज तथा उद्धारमा खटिएका सुरक्षाकर्मी र राष्ट्रसेवक कर्मचारीका लागि सुविधा प्याकेज घोषणा गरेको छ। मन्त्रिपरिषद्को बिहीबारको बैठकले जोखिम भत्ता र खाजा खर्च उपलब्ध गराउने तथा घाइते भए निःशुल्क उपचार गर्ने निर्णय गरेको छ। उद्धारका क्रममा मृत्यु भए परिवारलाई प्रतिमृतक १० लाख रुपैयाँ राहत उपलब्ध गराइने सरकारका प्रवक्ता सस्मित पोखरेलले जानकारी दिए।
