पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई प्रहरीले हाजिरी जमानीमा रिहा गरेको छ। आवश्यक पर्दा उपस्थित हुने सर्तमा उनीहरूलाई पत्नीहरूको जिम्मामा छाडिएको हो। सर्वोच्च अदालतको आदेशपछि सरकारी वकिलको पत्रका आधारमा रिहा गरिएको प्रहरीले जनाएको छ। प्रहरी हिरासतबाट मुक्त भए पनि पत्थरीको उपचार जारी रहेकाले पूर्वप्रधानमन्त्री ओली भने सोमबार मात्र शिक्षण अस्पतालबाट डिस्चार्ज हुने बताइएको छ।
