नेपालस्थित अस्ट्रेलिया, युरोपेली युनियन, फिनल्यान्ड, फ्रान्स, नर्वे, स्विट्जरल्यान्ड र बेलायतका कूटनीतिक नियोगहरूले संयुक्त वक्तव्य जारी गर्दै रसुवा, नुवाकोट तथा आसपासका क्षेत्रमा आएको विनाशकारी बाढीप्रति गहिरो दुःख व्यक्त गरेका छन्। प्रभावित नागरिकप्रति सहानुभूति जनाउँदै कठिन समयमा नेपाली जनतासँग पूर्ण ऐक्यबद्धता रहेको उनीहरूले बताएका छन्। साथै, जोखिम कायमै रहेकाले प्रभावित क्षेत्रका बासिन्दालाई स्थानीय प्रशासनले जारी गरेका सुरक्षा निर्देशन र आधिकारिक सूचनाको पालना गर्न आग्रह गरिएको छ।
