नेपाली कांग्रेसको संस्थापन इतर समूहले महाधिवेशनसम्बन्धी गतिविधि अघि नबढाउन निर्वाचन आयोग र पार्टी केन्द्रीय कार्यालयलाई आग्रह गरेको छ। राष्ट्रिय भेला मूल आयोजक समितिका संयोजक डा. शशांक कोइरालाले सर्वोच्च अदालतको आदेशलाई आधार बनाउँदै मंगलबार दुवै निकायलाई पत्र पठाएका हुन्। पत्रमा १५औँ वा विशेष महाधिवेशनका सांगठनिक, प्राविधिक तथा नीतिगत गतिविधि रोक्न र दूरगामी निर्णय नगर्न आग्रह गरिएको छ।
