‘लफंगा’ शैलीमा संविधान संशोधन गर्न खोजिएको भन्दै सरकारप्रति गगन थापाको चेतावनी

नेपाली कांग्रेसका सभापति गगनकुमार थापाले सरकारले संविधान संशोधनलाई हचुवा र गैरजिम्मेवार ढंगले अघि बढाएको आरोप लगाएका छन्। संविधानको मर्म, भाषा, जातीय विविधता र अधिकारका संवेदनशील विषयमा ‘लफंगा’ शैली स्वीकार्य नहुने उनले बताए। संशोधन आवश्यक भए पनि जिम्मेवार ढंगले गर्नुपर्ने र राज्यका संस्थालाई थप सुदृढ बनाउने दिशामा अघि बढ्नुपर्नेमा उनले जोड दिए।