शेरबहादुरजी नै हाम्रो नेता हो, उहाँकै नेतृत्वमा कांग्रेस अघि बढ्छ’ : शशांक कोइराला

नेपाली कांग्रेस राष्ट्रिय भेला आयोजक समितिका संयोजक डा. शशांक कोइरालाले पूर्वसभापति शेरबहादुर देउवाको प्रशंसा गरेका छन्। भेलालाई सम्बोधन गर्दै उनले बीपी कोइरालाले देउवालाई ‘पश्चिमको राजकुमार’ भन्ने गरेको स्मरण गरे। देउवाको आगमनसँगै भेला सफल भएको दाबी गर्दै शशांकले देउवा नै आफूहरूको नेता र सभापति भएको बताए। कांग्रेसलाई एकताबद्ध बनाउन राष्ट्रिय भेला आयोजना गरिएको उनको भनाइ छ।