पृथ्वी राजमार्गअन्तर्गत कृष्णभीरमा पहिरोपछि अवरुद्ध सडक सञ्चालनको तयारीस्वरूप डाँडामाथि खोलिएको ट्र्याक फराकिलो बनाउन थालिएको छ। करिब ३५० मिटर लामो ट्र्याक निर्माण सामग्री, इन्धन र कामदार ओसारपसारका लागि प्रयोग भइरहेको छ। सडक सञ्चालनका लागि स्लोप तथा भित्ता कटिङ, ग्राभेलिङ र ग्रेडिङलगायत काम बाँकी छन्। भदौ मसान्तसम्म सर्वसाधारणका सवारी चलाउने लक्ष्यसहित दुई थप एक्साभेटरसहित भारी उपकरण परिचालन गरिएको छ।
