राष्ट्रिय स्वतन्त्र पार्टीले संसदीय दलको प्रमुख सचेतकमा कविन्द्र बुर्लाकोटीलाई चयन गरेको छ। गोरखा–२ बाट निर्वाचित बुर्लाकोटी पार्टीका महामन्त्री पनि हुन्। बैठकले सचेतकमा प्रकाशचन्द्र परियार र क्रान्तिशिखा धिताललाई पनि चयन गरेको छ। दुवै समानुपातिक प्रणालीबाट सांसद बनेका हुन्। यस निर्णयसँगै संसदीय जिम्मेवारी बाँडफाँट स्पष्ट भएको छ र पार्टीले संसदीय भूमिका थप व्यवस्थित बनाएको जनाएको छ।
