जनता समाजवादी पार्टी, नेपालले आगामी निर्वाचनका लागि आफ्नो घोषणापत्र शुक्रबार काठमाडौंमा सार्वजनिक गरेको छ। अध्यक्ष उपेन्द्र यादवले एक कार्यक्रममार्फत सार्वजनिक गरिएको घोषणापत्रमा संविधान संशोधनका लागि उच्चस्तरीय पुनरावलोकन आयोग गठन गरी आयोगका सुझावअनुसार काम अघि बढाउनुपर्ने बताइएको छ। घोषणापत्रमा राजनीतिक, आर्थिक, सामाजिक, समावेशी र साँस्कृतिक लोकतन्त्रलाई संस्थागत गर्ने आवश्यकता औँल्याइएको छ।
