प्रधानमन्त्री वालेन्द्र शाहलाई कोप–३१ मा सहभागी हुन टर्कीका राष्ट्रपति रेसेप तैयप एर्दोगानले निमन्त्रणा पठाएका छन्। परराष्ट्र मन्त्रालयका सहसचिव कृष्णप्रसाद ढकालले निमन्त्रणा प्रधानमन्त्री तथा मन्त्रिपरिषद्को कार्यालयमा पठाइसकिएको जानकारी दिए। सम्मेलन नोभेम्बर ९ देखि २० सम्म टर्कीको अन्ताल्यामा हुँदैछ। नेपालले सम्मेलनमा जलवायु न्याय, हानि–नोक्सानीको क्षतिपूर्ति र पर्वतीय मुद्दालाई प्राथमिकताका साथ उठाउने तयारी गरेको छ।
