नेपाली कांग्रेसको १५औँ महाधिवेशन प्रक्रिया रोक्न माग गर्दै पूर्वसभापति शेरबहादुर देउवाले पेस गरेको रिट सर्वोच्च अदालतले अध्ययनका लागि राखेको छ। विशेष महाधिवेशनको आधिकारिकता विवादमा पुनरवलोकनको अनुमति पाएपछि देउवा पक्षले महाधिवेशन प्रक्रिया रोक्न माग गरेको हो। सर्वोच्च प्रशासनका अनुसार शुक्रबार रिट अध्ययनका लागि राखिएको छ। बिदाका कारण यसबारे सोमबार मात्र निर्णय हुने प्रवक्ता अर्जुन कोइरालाले जानकारी दिएका छन्।
