सरकारले ३५औँ वरीयताका गोविन्दबहादुर कार्कीलाई मुख्यसचिव नियुक्त गरेपछि निजामती प्रशासनमा विवाद चर्किएको छ। उनीभन्दा वरिष्ठ २३ सचिवलाई पछि पारिएको भन्दै असन्तुष्टि बढेको छ। वरिष्ठ सचिव किरणराज शर्मा बिदामा बसेका छन् भने अन्य सचिवहरूले पनि नेतृत्व छनोट प्रक्रियामाथि प्रश्न उठाएका छन्। प्रशासन सुधार विज्ञहरूले उत्तराधिकारी योजना नहुँदा यस्ता विवाद दोहोरिने बताएका छन्।
