सरकारले बुधबार बसेको मन्त्रिपरिषद् बैठकका ११ निर्णय सार्वजनिक गरेको छ। बैठकले जापानबाट त्रिभुवन विमानस्थलको एयर ट्राफिक कन्ट्रोल सुधारका लागि २ अर्ब ७३ करोड रुपैयाँ अनुदान स्वीकार गर्ने, बाल विकास सहजकर्ता तथा विद्यालय कर्मचारीको पारिश्रमिक मासिक ५ हजार रुपैयाँ बढाउने निर्णय गरेको छ। साउदीसँग हवाई सेवा सम्झौता, विभिन्न विधेयक संसद्मा पेश र कमलप्रसाद भट्टराईलाई सचिवमा बढुवा गर्ने निर्णय पनि गरेको छ।
