निर्वाचन परिणाम अन्तिम चरणमा पुगेसँगै संघीय संसद् सचिवालयले प्रतिनिधि सभा बैठक बोलाउने तयारी सुरु गरेको छ। संविधानअनुसार राष्ट्रपतिले अन्तिम परिणाम घोषणा भएको ३० दिनभित्र संसद् अधिवेशन आह्वान गर्नुपर्छ। परम्पराअनुसार एक–दुई हप्ताभित्र बैठक बस्ने सम्भावना छ। ज्येष्ठ सदस्यले सांसदलाई शपथ गराउनेछन्। निर्माणाधीन संसद् भवन तयार नभएकाले अस्थायी हलमै बैठक हुने तयारी भइरहेको छ।
