राष्ट्रिय स्वतन्त्र पार्टी (रास्वपा) ले आफ्ना केन्द्रीय सदस्यलाई पार्टी सञ्चालन र कार्यविधिबारे दुईदिने प्रशिक्षण दिने भएको छ। शनिबार र आइतबार बूढानीलकण्ठस्थित पार्क भिलेज रिसोर्टमा हुने अभिमुखीकरण सभापति रवि लामिछानेले दिनेछन्। प्रथम राष्ट्रिय महाधिवेशनबाट ९९ जना निर्वाचित भएकामा शुक्रबार थप ९ जना मनोनीत भएपछि केन्द्रीय सदस्य संख्या १०८ पुगेको छ। विधानअनुसार समिति १५१ सदस्यीय हुनेछ।
