रसुवामा आएको भीषण बाढीका कारण सञ्चालनमा रहेका र निर्माणाधीन गरी १३ वटा जलविद्युत् आयोजना प्रभावित भएका छन्। नेपाल विद्युत् प्राधिकरणको प्रारम्भिक विवरणअनुसार ३५४ मेगावाट क्षमताका ८ सञ्चालनरत र ३९४ मेगावाट क्षमताका ५ निर्माणाधीन आयोजना प्रभावित भएका हुन्। रसुवा र नुवाकोटका विभिन्न जलविद्युत् आयोजनामा बाढीले असर पुर्याएको छ। बाँध, विद्युत्गृह, पहुँचमार्ग तथा प्रसारण संरचनामा भएको वास्तविक क्षतिको विस्तृत विवरण स्थलगत अध्ययनपछि मात्र यकिन हुने प्राधिकरणले जनाएको छ।
