नक्कली भुटानी शरणार्थी प्रकरणमा कारागारमा रहेका नेता टोबहादुर रायमाझीलाई एमालेले अर्घाखाँचीबाट प्रतिनिधिसभा उम्मेदवार सिफारिस गरेको छ। यससँगै जिल्ला अध्यक्ष पिताम्बर भुसाल, बिजुला रायमाझी, वमबहादुर विश्वकर्मा र भोजबहादुर शाहको नाम पनि सिफारिस गरिएको हो। लुम्बिनी प्रदेश मुख्यमन्त्री चेतनारायण आचार्यको प्रमुख आतिथ्यतामा सम्पन्न जिल्ला कमिटीको बैठकले सर्वसम्मत निर्णय गरेको हो। दलहरूले आगामी निर्वाचनका लागि उम्मेदवार घोषणा गर्ने क्रम जारी छ।
