एमाले अध्यक्ष केपी शर्मा ओली र नेकपाका संयोजक पुष्पकमल दाहाल ‘प्रचण्ड’बीच भएको पाँच प्रदेशमा सरकार गठनसम्बन्धी तीनबुँदे सहमतिप्रति नेकपाका सहसंयोजक माधवकुमार नेपालले असन्तुष्टि जनाएका छन्। उनले सहमति सत्ता केन्द्रित भएको भन्दै सरकारको नीति, प्राथमिकता र जनताका लागि गर्ने काम स्पष्ट हुनुपर्ने धारणा राखेका छन्। कार्यगत एकतामार्फत वाम एकताको आधार तयार गर्नुपर्ने उनको जोड छ।
